Old Blind Dogs - The Twa Corbies

Текст песни

As I was walking all alane
I spied twa corbies makkin a mane;
Tha tain unto the other ane say-o
«Where sall we gang and dine the day-o
«Where sall we gang and dine the day-o?»
«It's in ahint yon auld fail dyke
I wot there lies a new-slain knight;
And naebody kens that he lies there-o
But his hawk and his hound and his lady fair-o
His hawk and his hound and his lady fair.-o»
«His hawk is tae the huntin gane
His hound tae fetch the wildfowl hame;
His lady’s ta’en another mate-o
Sae we mun mak our dinner sweet-o
We mun mak our dinnr sweet-o.»
«Ye'll light upon his white hause-ban
And I’ll dig oot his bonny blue een;
Wi many a lock of his yellow hair-o
We’ll theek our nest where it grows bare-o
Theek our nest where it grows bare-o.»
«There's mony a ane for him maks mane
But nane sall ken where he is gane;
And o’er his white bones when they lay bare-o
The wind sall blaw for evermair-o
The wind sall blow for evermair.-o»
As I was walking all alane
I spied twa corbies makkin a mane;
Tha tain unto the other ane say-o
«Where sall we gang and dine the day-o
«Where sall we gang and dine the day-o?»